Tramp Pýtınmen telefon arqyly sóılesýge nıetti
ASTANA. KAZINFORM — AQSh-tyń jańadan saılanǵan prezıdenti Donald Tramp óz komandasyna ınaýgýratsııadan keıingi alǵashqy kúnderi Reseı basshysy Vladımır Pýtınmen telefon arqyly sóılesýdi uıymdastyrýdy tapsyrdy, dep habarlaıdy Kazinform menshikti tilshisi.
Áńgimelesý Tramp qyzmetine kiriskennen keıin birneshe ishinde ótetini josparlanǵan. Áńgimelesýdiń bir maqsaty — Ýkraınadaǵy qaqtyǵysty toqtatý úshin aldaǵy aılarda jeke kezdesýdi talqylaý, dep atap ótti CNN.
AQSh-tyń jańadan saılanǵan prezıdenti ınaýgýratsııadan keıingi alty aı ishinde Pýtınmen Ýkraına daǵdarysy boıynsha kelissózder júrgizýdi josparlap otyrǵanyn jarııalady. Prezıdent Tramptyń Ýkraına boıynsha arnaıy ókili Kıt Kellogtiń málimdeýinshe, ol buǵan 100 kúndik merzimde qol jetkizgisi keledi.
Keıbir respýblıkashyldar Ýkraınadaǵy qaqtyǵys — AQSh-qa esh qatysy joq eýropalyq másele ekenin alǵa tartyp otyr. Alaıda Donald Tramp soǵysty toqtatýdy óz qyzmetiniń birinshi kúninde sheshýdi josparlap otyrǵan mańyzdy syrtqy saıasat máselesi retinde qarastyrady.
Eske sala keteıik, buǵan deıin Tramptyń ınaýgýratsııasyna daıyndyq qyzyp jatqanyn jazǵan bolatynbyz.