Tramp Pýtınmen kezdesýge Ankorıdjge ushty

ASTANA. KAZINFORM – AQSh prezıdenti Donald Tramp Vashıngton mańyndaǵy Endrıýs áskerı áýe bazasynan Alıaska shtatyndaǵy Ankorıdj qalasyna Reseı prezıdenti Vladımır Pýtınmen kezdesýge ushty, dep habarlaıdy Kazinform tilshisi TASS agenttigine silteme jasap.

Aq úıdiń baspasóz pýly ushý alańynan tikeleı translıatsııa júrgizdi.

Prezıdent Tramp sammıt ótetin orynǵa birinshi bolyp kelip, Reseı prezıdenti Pýtındi ushý-qoný jolaǵynda jeke ózi qarsy alady. Bul týraly Alıaska shtatynyń gýbernatory Maık Danlıvı Fox News telearnasyna bergen suhbatynda aıtty:

– Prezıdent aldymen bazaǵa jetedi, sodan keıin Reseı prezıdenti qonady. Tramp sol ýaqytta ushý-qoný jolaǵynda bolyp, reseılik áriptesin qarsy alýǵa daıyn turady, – dedi Danlıvı.

AQSh prezıdentiniń baspasóz qyzmeti buryn jarııalaǵan kestege sáıkes, ekjaqty is-sharalar Ankorıdjde jergilikti ýaqytpen saǵat 11:00-de (Astana ýaqyty boıynsha 16 tamyz, 00:00-de) bastalady.

Sondaı-aq, Reseı prezıdentiniń kómekshisi ıÝrıı Ýshakovtyń aıtýynsha, Pýtın men Tramptyń delegatsııa quramyndaǵy kelissózderi «5-ke 5» formaty boıynsha ótedi.

Kestege sáıkes, Tramp Ankorıdjden jergilikti ýaqytpen 17:45-te (Astana ýaqyty boıynsha 16 tamyz, 06:45-te) ushyp, Vashıngtonǵa qaıta oralady.

Alıaskadaǵy sammıtke daıyndyq týraly tolyq aqparatty osy jerden oqýǵa bolady.

Materıal TASS agenttiginiń arnaıy Kazinform úshin ázirlegen seriktestik negizinde berildi.

Buǵan deıin Reseı Alıaska sammıtinen keıin Tramptyń jaýap saparyn kútetinin jazǵan edik.