Tramp Pýtınmen Alıaskada bolatyn kezdesýiniń sátti ótetinine 75% senimdi

ASTANA. KAZINFORM – AQSh prezıdenti Donald Tramp Reseı kóshbasshysy Vladımır Pýtınmen bolatyn kezdesýiniń sátti ótetinine 75 paıyzǵa senimdi. Bul týraly ol Fox News Radio radıostantsııasyna bergen suhbaty barysynda málimdedi, dep jazady reseılik TASS.

Júrgizýshi Tramptan Pýtınmen kezdesý beker boldy dep júrmeısiz ba jáne osyndaı qorytyndy shyǵarý qanshalyqty múmkin dep surady. Tramp jaǵdaıdyń bulaısha qalyptasý deńgeıi 25 paıyz ǵana ekenin atap ótti.

-Bul shahmat partııasy sııaqty dúnıe, degenmen ol ekinshi kezdesýdiń sátti ótýine jol salady. Kezdesý múldem paıdasyz boldy dep qorytyndy shyǵarý múmkindigi 25 paıyz, - dedi Tramp.

AQSh prezıdenti bul rette eger kelissóz sátti ótetin bolsa, Vladımır Zelenskııdiń qatysýymen úshjaqty kezdesý ótýi múmkin ekenin atap ótti.

Qazirgi tańda osy kezdesýdi ótkizý úshin úsh túrli oryn tańdalyp otyr. Úshjaqty kezdesýdiń Alıaskada ótýi ábden múmkin ekeni aıtyldy.

Osyǵan deıin Tramp Pýtınmen Alıaskada 15 tamyzda kezdesýdi josparlap otyrǵanyn jetkizdi. Kelissózderdiń ótetinin RF prezıdentiniń kómekshisi ıÝrıı Ýshakov ta rastady.

Onyń sózinshe, kóshbasshylar Ýkraına daǵdarysyn uzaq ýaqytqa beıbit retteý máselesin talqylaıdy.

Osyǵan deıin Pýtınniń Alıaskadaǵy sammıtke daıyndyq jóninde keńes ótkizgeni týraly jazdyq.