Tramp: Pýtınmen alǵashqy kezdesý Saýd Arabııasynda ótedi

ASTANA. KAZINFORM – Donald Tramp Aq úıdiń Copaq kabınetinde tilshilerdiń suraqtaryna jaýap berdi, dep habarlaıdy VVS.

Tramptyń aıtýynsha, onyń Reseı prezıdenti Vladımır Pýtınmen alǵashqy kezdesýi Saýd Arabııasynda ótedi, bul týraly olar telefon arqyly sóılesken kezde kelisken.

Tramp qorǵanys mınıstri Pıt Hegsettiń Ýkraınanyń NATO-ǵa múshe bolýy shyndyqqa janaspaıdy degen pikirimen kelisetinin aıtty. Ol «paıdasyz» ekenin qosyp ótti.

Sonymen qatar, Tramp AQSh-tyń Ýkraınaǵa kómek kórsetýdi jalǵastyratynyn aıtty, biraq «biz onyń qamtamasyz etilýin qalaımyz» dep málimdedi. Ol naqty qalaı ekenin ashyp aıtpady, biraq buǵan deıin Ýkraına AQSh-qa mańyzdy mıneraldardy jetkizýi kerek degen usynys jasaǵan edi.

Amerıka prezıdenti Ýkraınada atysty toqtatý «taıaý bolashaqta» múmkin jáne elde «qandaı da bir sátte» jańa saılaý ótýi kerek dep sanaıdy. Ýkraına zańyna sáıkes, áskerı jaǵdaı kezinde saılaý ótkizý múmkin emes.

Buǵan deıin Reseı prezıdenti Vladımır Pýtın Amerıka lıderi Donald Tramppen telefon arqyly kelissóz júrgizdi. 

Sodan keıin AQSh prezıdenti Donald Tramppen sóılesken Vladımır Zelenskıı bitimge kelýdi qalaıtynyn aıtqan.