Tramp Pýtınmen aqpannyń sońyna deıin kezdesýi múmkin ekenin málimdedi

ASTANA. KAZINFORM — AQSh prezıdenti Donald Tramp Reseı prezıdenti Vladımır Pýtınmen aqpannyń sońyna deıin kezdesýi múmkin ekenin aıtty, dep habarlaıdy VVS. 

Amerıka prezıdenti Florıdadaǵy Mar-a-Lago rezıdentsııasynan shyǵyp bara jatqanda, tilshilerdiń biri odan kezdesý aıdyń sońyna deıin bola ma dep surady.

— Múmkin, — dep jaýap berdi Tramp.

Buǵan deıin Reseı prezıdentiniń kómekshisi ıÝrıı Ýshakov amerıkalyq jáne reseılik delegatsııalardyń Er-Rııadtaǵy kelissózderiniń qorytyndysy boıynsha Pýtın men Tramptyń kezdesýiniń naqty kúnin ataý qıyn ekenin málimdegen.

Onyń aıtýynsha, kezdesýdiń kelesi aptada ótýi ekitalaı.

Eske salsaq, keshe Saýd Arabııa astanasy Er-Rııad qalasynda AQSh pen Reseı delegatsııasy kelissózderi bastalǵanyn habarladyq.