Tramp Pýtın jáne Zelenskıımen úshjaqty kezdesý ótkizýdi kózdep otyr

ASTANA.KAZINFORM —  AQSh prezıdenti Vladımır Pýtınmen Alıaskada ótetin kezdesýi sátti ótse, bul kezdesýden keıin birden Reseı jáne Ýkraına basshylarymen úshjaqty sammıt uıymdastyrýdy kózdep otyrǵanyn málimdedi, dep habarlaıdy TASS. 

AQSh prezıdenti Donald Tramptyń aıtýynsha, eger Vladımır Pýtınmen Alıaskadaǵy kezdesý jaqsy ótse, ol múmkindiginshe tez arada Reseı men Ýkraına qatysatyn úshjaqty kelissóz uıymdastyrmaq.

— Eger alǵashqy kezdesý jaqsy ótse, biz ekinshi kezdesýdi tez arada ótkizemiz. Ony birden jasaǵym keledi. Ekinshi kezdesýge prezıdent Pýtın, prezıdent Zelenskıı jáne men qatysamyn, eger olar meniń qatysqanymdy qalasa, — dedi ol Vashıngtondaǵy Djon Kennedı atyndaǵy oryndaýshylyq óner ortalyǵyna barǵan kezinde.

Tramp 8 tamyzda Vladımır Pýtınmen 15 tamyzda Alıaskada kezdesýdi josparlap otyrǵanyn habarlaǵan edi. Keıin bul jospardy RF prezıdentiniń kómekshisi ıÝrıı Ýshakov ta rastady. 

Aıta ketelik Pýtın men Tramp Ankorıdjdegi áskerı bazada kezdesedi.