Tramp Pýtın men Lýkashenkony Gaza boıynsha «Beıbitshilik keńesine» shaqyrdy

ASTANA. KAZINFORM – AQSh prezıdenti Donald Tramp Vladımır Pýtın men Alksandr Lýkashenkony Gaza sektoryndaǵy jaǵdaıdy retteýmen aınalysatyn «Beıbitshilik keńesine» shaqyrdy, dep habarlaıdy DW.

Kreml bul usynystyń ázirge zerdelenip jatqanyn, onyń egjeı-tegjeıi amerıkalyq tarappen naqtylanatyn málimdedi. Al Belarýs Syrtqy ister mınıstrligi Aleksandr Lýkashenkonyń bastamany oń qabyldap, jańa organ jumysyna qatysýǵa daıyn ekenin jetkizdi.

Buǵan deıin dál osyndaı shaqyrtýlardyń Qazaqstan men Vengrııaǵa da joldanǵany habarlanǵan edi.

Qazaqstan Prezıdenti Qasym-Jomart Toqaev Taıaý Shyǵystaǵy turaqtylyqty nyǵaıtýǵa jáne memleketter arasyndaǵy ózara senimdi damytýǵa úles qosýǵa nıetti ekenin aıtty. Vengrııa premer-mınıstri Vıktor Orban da «Beıbitshilik keńesine» qosylýǵa daıyn.

Shaqyrtý shamamen 60 memleketke jiberilgen. Olardyń qatarynda Eýroodaqtyń birqatar eli, sondaı-aq Túrkııa, Kanada, Ózbekstan, sondaı-aq Eýrokomıssııa tóraǵasy Ýrsýla fon der Lıaıen de bar.

Al Frantsııa prezıdenti Emmanıýel Makron Donald Tramptyń bul bastamasyna qatysýdy josparlap otyrǵan joq.

Qytaıǵa shaqyrtý joldanbaǵan, al Germanııa usynysty baıypty qabyldap, halyqaralyq retteýdegi BUU-nyń jetekshi rólin atap ótti. Al Argentına, Vengrııa, Túrkııa, Pákistan, Mysyr, Iordanııa, Qatar jáne Italııa tıisti usynystardy alǵanyn rastap, olardy qabyldaýǵa kelisim bildirdi.

Vashıngtonnyń tujyrymyna sáıkes, «Beıbitshilik keńesi» Gazadaǵy beıbit damýǵa qatysty mindettemelerdiń oryndalýyn strategııalyq turǵyda baqylaýǵa, halyqaralyq resýrstardy jumyldyrýǵa jáne jalpy úılestirýge jaýapty bolmaq.

Aq úıdiń habarlaýynsha, quryltaıshy atqarýshy keńestiń (founding executive board) quramyna dıplomatııa, development, ınfraqurylym jáne ekonomıkalyq strategııa salalarynda tájirıbesi bar jeti kóshbasshy enedi. 

Osyǵan deıin Tramp Gaza boıynsha Álem keńesi qurylatynyn málimdegeni  týraly jazdyq.