Tramp prezıdenttik merziminen keıin Beıbitshilik keńesin basqara berýi múmkin
ASTANA. KAZINFORM — AQSh prezıdenti Donald Tramp prezıdenttik merzimi 2029 jyly aıaqtalǵan soń, Gaza boıynsha Beıbitshilik keńesiniń tóraǵasy laýazymyn saqtap qalýy múmkin, dep habarlady TASS.
Bloomberg agenttiginiń habarlaýynsha, Tramp Aq úıden ketkennen keıin Beıbitshilik keńesin basqara berýi múmkin. AQSh ákimshiligi Beıbitshilik keńesinde kim qyzmet etetinin, ony kim basqaratynyn jáne onyń qalaı jumys isteıtinin anyqtaýǵa tyrysqanda, Trampqa ómir boıy tóraǵa mártebesin berý múmkindigi osy uıymdy qurý jolyndaǵy taǵy bir máselege aınaldy.
Buǵan deıin birneshe eldiń basshylaryna AQSh-tan Beıbitshilik keńesine kirý týraly usynys túsken. Bul organnyń jumysy Izraıl men radıkaldy palestınalyq HAMAS qozǵalysy Egıpet, Katar, AQSh jáne Túrkııanyń araaǵaıyndyǵymen 2025 jylǵy qazanda kelisken beıbit jospardyń ekinshi kezeńinde bastalady dep josparlanyp otyr.
Osyǵan deıin Tramp Makron jáne Rıýttemen aradaǵy jeke jazbalaryn jarııalaǵany týraly jazdyq.