Tramp prezıdenttik jarys bastalǵaly tuńǵysh ret oılanbaı sóıleıtinin moıyndady
ASTANA. QazAqparat - Respýblıkalyq partııa atynan AQSh prezıdenttigine úmitker Donald Tramp eldegi saılaýaldy jarys bastalǵaly tuńǵysh ret oılanbaı sóıleıtinin jáne soǵan ókinetinin el aldynda moıyndady.
Beısenbi kúni Sharlott qalasynda (Soltústik Karolına shtaty) osyndaı málimdeme jasaldy.
«Keıde daýlasyp otyrǵanda, qatarynan birneshe máseleni talqylaǵanda durys sózder tańdamaýym múmkin nemese durys jetkizbeýim múmkin. Mende ondaı jaǵdaılar boldy, - dedi mıllıarder. - Senesizder me, men sol úshin ókinemin. Ásirese, sózderimmen bireýdiń janyn aýyrtqan jaǵdaılar úshin ókinemin».
«Tramptyń óz ókinishin bildirýi naýqan bastalǵaly 14 aı boıy eshbir qateligin moıyndamaǵan onyń strategııasyndaǵy kútpegen burylys boldy», - dep jazdy CNN.
