Tramp prezıdenttik naýqanǵa $1 mlrd jııýdy josparlap otyr
ASTANA. QazAqparat - Respýblıkalyq partııadan AQSh prezıdenttigine kandıdatýrasyn usynǵandardyń ishinde jalǵyz qalǵan saıasatker Donald Tramptyń saılaýaldy shtaby prezıdenttik naýqanǵa $1 mlrd kóleminde qarajat jııýdy josparlap otyr.
Bul týraly mıllıarder NBC telearnasyna bergen suhbatynda málim etti, delingen taratylǵan habarlamada.
Tramp atap ótkendeı, kórsetilgen somany jınaý úshin ol Respýblıkalyq ulttyq komıtetpen birlesip jumys isteýi múmkin.
"Biz $1 mlrd nemese odan da kóp qarajat jııýǵa tyrysamyz", - dedi respýblıkalyq. Onyń sózine qaraǵanda, bul soma demokrattardyń favorıti - AQSh-tyń eks-memhatshysy Hılları Klıntondy jeńýi úshin qajet.
