Tramp poshta arqyly daýys berýdi toqtatýǵa bastamashy bolmaq
ASTANA. KAZINFORM — AQSh prezıdenti Donald Tramp dúısenbi kúni poshta arqyly daýys berý júıesine qarsy shyqty jáne bul tájirıbeden bas tartý úshin «qozǵalysqa bastamashy» bolatynyn málimdedi.
Bul týraly ol Truth Social áleýmettik jelisindegi paraqshasynda jazdy.
Onyń aıtýynsha, qazirgi tańda qoldanylyp júrgen «daýys berý qurylǵylary dáldigi óte tómen jáne daýly», ári olar sýtańbaly qaǵaz bıýlletenderge qaraǵanda on ese qymbat turady.
— Qazir biz — poshta arqyly daýys berýdi qoldanatyn álemdegi jalǵyz elmiz. Basqa barlyq elder bul júıeden jappaı alaıaqtyq saldarynan bas tartty. Biz bul baǵyttaǵy jumysty bastaımyz. Árıne, demokrattar buǵan qatty qarsy turady, óıtkeni olar aýqymdy alaıaqtyq jasaıdy. Biz 2026 jylǵy aralyq saılaýlardyń ádil ótýin qamtamasyz etýge baǵyttalǵan jarlyqqa qol qoıyp, bul protsesti bastaımyz, — dedi Tramp.
Aıta keteıik, tarıhı turǵyda poshta arqyly daýys berýdi demokrattar jıi paıdalanady. Bul júıe ásirese 2020 jylǵy prezıdent saılaýynda COVID-19 pandemııasyna baılanysty keńinen qoldanylǵan bolatyn.
Osyǵan deıin habarlanǵandaı, InsiderAdvantage saýalnamasynyń nátıjesi boıynsha, Alıaskada Reseı prezıdenti Vladımır Pýtınmen bolǵan kezdesýden soń AQSh prezıdenti Donald Trampty qoldaýshylar sany artqan.