Tramp KHDR-men qarym-qatynasty eskerip, áskerı jattyǵýlardy azaıtýdy tapsyrdy
ASTANA. KAZINFORM — AQSh prezıdenti Donald Tramp Pentagon basshysy Pıt Hegsetke Koreıa Respýblıkasymen birlesken áskerı jattyǵýlardy qysqartýdy buıyrdy. Óıtkeni olar KHDR-ǵa «dushpandyq sıgnal» berip jatyr, dep habarlaıdy TASS.
Tramp KHDR kóshbasshysy Kım Chen Ynmen aradaǵy «óte jaqsy qarym-qatynasyn» eske alyp, «AQSh-tyń Koreıa Respýblıkasymen birlesken áskerı jattyǵýlarǵa qatysýǵa uzaq ýaqyt keliskenine» narazylyq bildirdi.
— Bul jattyǵýlar qymbatqa túsip qana jatqan joq, AQSh ádettegideı shyǵyndardyń basym bóligin óz moınyna alady. Sonymen qatar olar Donald Tramptyń prezıdenttigi kezinde qaýip tóndirmegen jáne qurmet kórsetken elge múldem orynsyz jáne dushpandyq sıgnal beredi. Sondyqtan, olardy (jattyǵýlardy — TASS red.) tolyq toqtatýǵa kesh ekenin eskere otyryp, men Qorǵanys mınıstri Pıt Hegsetke birlesken áskerı jattyǵýlardyń aýqymyn aıtarlyqtaı azaıtýdy tapsyrdym, — dep jazdy memleket basshysy Truth Social áleýmettik jelisinde.
Tramp sonymen qatar jaqynda Koreıa Respýblıkasynyń prezıdentinen onyń eli «Iran Islam Respýblıkasyn ıadrolyq qarýdan tazartý» isinde AQSh-qa qosylǵysy kelmeı me» degen suraǵyna: «Joq, raqmet!» degen jaýap alǵanyn atap ótti.
Buǵan deıin 8 memleket Izraıldi Tramptyń Gaza jónindegi josparyn oryndamaǵany úshin aıyptaǵanyn jazǵanbyz.
