Tramp Pentagon basshysy bolýy múmkin azamatty atady
ASTANA. QazAqparat - Pentagon basshysy otstavkadaǵy general Djeıms Mettıs bolýy múmkin. AQSh-tyń jańa saılanǵan prezıdenti Donald Tramp ony Qarýly Kúshterdiń basshysy laýazymyna taǵaıyndaý týraly máseleni qarap jatyr, dep habarlaıdy Rosbalt.
«Pentagon basshysy laýazymyna laıyqty tulǵa retinde qarastyrylyp otyrǵan Mettıs maǵan óte jaǵymdy áser qaldyrdy. Ol naǵyz general!», dep jazdy Tramp óziniń Twitter jelisindegi paraqshasynda.CNN málimetteri boıynsha jaqyn kúnderi Tramp Mettıspen kezdesken.
Kezdesý kópshilik orynda emes, Nıý-Djersı shtatyndaǵy Bedmınster golf-klýbynyń aımaǵynda jabyq jaǵdaıda ótken.
Mettıs Barak Obamanyń kezinde Irak pen Aýǵanstandaǵy operatsııalarǵa jaýap beretin Qarýly Kúshterdiń Ortalyq qolbasshylyǵyn basqarǵan bolatyn.
Osyǵan deıin The Washington Post basylymy Qorǵanys mınıstrliginiń basshylyǵyna kandıdattardyń biri retinde Tramptyń komandasy senator Kellı Aıotty da qarastyryp jatqanyn jazdy.
