Tramp pen Zelenskııdiń kezdesý ýaqyty aýysty

ASTANA. KAZINFORM — AQSh prezıdenti Donald Tramp pen Vladımır Zelenskııdiń Florıdada 28 jeltoqsanǵa josparlanǵan kezdesýi basqa ýaqytqa aýystyryldy. Bul týraly Aq úı jarııalaǵan kestede belgilengen, dep habarlaıdy TASS.

Jańartylǵan nusqaǵa sáıkes, kezdesý jergilikti ýaqyt boıynsha 13:00–de (Máskeý ýaqyty boıynsha 21:00) Tramptyń jeke rezıdentsııasy Mar-a-Lago mańyndaǵy Palm-Bıchte ótedi. Kezdesý týraly qosymsha aqparat berilmedi.

AQSh prezıdentiniń 26 jeltoqsanda jarııalanǵan jumys kestesinde kezdesý jergilikti ýaqyt boıynsha 15:00–de (Máskeý ýaqyty boıynsha 23:00) bastalady dep kórsetilgen.

Zelenskıı buǵan deıin AQSh prezıdentimen kezdesýinde aýmaqtyq máselelerdi, onyń ishinde Ýkraına qarýly kúshterin Donbasstan shyǵarý jáne Zaporoje atom elektr stantsııasyn paıdalaný máselelerin kóterýge nıetti ekenin málimdegen. Ol Ýkraınadaǵy daǵdarysty sheshýdiń 20 tarmaqtan turatyn jospary eki el arasynda 90% kelisilgenin málimdedi.

Osyǵan deıin Vladımır Zelenskıı AQSh prezıdentimen kezdesetinin, jańa jylǵa deıin kóp nárse sheshilýi múmkin ekenin aıtqan.