Tramp pen Zelenskıı Nıý-Iorkte kezdesý ótkizdi

NЬıÝ-IORK. KAZINFORM — AQSh prezıdenti Donald Tramp pen Ýkraına prezıdenti Vladımır Zelenskıı BUU Bas Assambleıasynyń 80-sessııasy aıasynda Nıý-Iork qalasynda kezdesti, dep habarlaıdy Kazinform agenttigi.

Aq úıdiń málimetinshe, kezdesýde taraptar Ýkraınadaǵy qaqtyǵysty retteý máselesin talqylady.

Sondaı-aq Tramp pen Zelenskıı Reseıge qarsy sanktsııalardy da sóz etti.

AQSh prezıdenti Ýkraınaǵa qaýipsizdik kepildikteri týraly aıtýǵa áli erte ekenin atap ótti.

— Bul týraly keıinirek sóz qozǵaýymyz múmkin. Bul suraqqa jaýap berý ázirge erte dep oılaımyn, — dedi Tramp.

Óz kezeginde Zelenskıı Aq úı basshysyna qoldaý bildirgeni men AQSh qarýynyń PURL mehanızmi arqyly jetkizilgeni úshin alǵys aıtty.

Eske sala keteıik, Tramp pen Zelenskıı sońǵy ret 18 tamyzda Vashıngtonda kezdesken bolatyn. Ol kezdesýge Eýropa elderiniń kóshbasshylary da qatysqan.