Tramp pen Zelenskıı ne týraly sóılesti

ASTANA. KAZINFORM – Ýkraına men AQSh prezıdentteri sársenbi kúni telefon arqyly sóılesti, dep habarlaıdy VVS. 

Tramp ta, Vladımır Zelenskıı de áńgime barysyn jaqsy dep atady. 

Ýkraına men Amerıka basshylary kelissóz týraly áleýmettik jelilerde baıandap berdi. Tramp Truth Social-da Zelenskıımen bir saǵat boıy «óte jaqsy» áńgimeleskenin málimdedi. 

- Talqylaýdyń kóp bóligi Reseı men Ýkraınanyń suranystary men qajettilikterin kelisý úshin prezıdent Pýtınmen keshegi áńgimege negizdelgen. Biz durys jolmen kele jatyrmyz, - dep jazdy AQSh prezıdenti. 

Zelenskıı X áleýmettik jelisinde Tramppen áńgime «oń, óte mazmundy jáne ashyq» bolǵanyn habarlady.

- Prezıdent Tramp Pýtınmen suhbatyn jan-jaqty jáne talqylanǵan basty máselelerdi jetkizdi. Soǵystyń tolyq aıaqtalýy jolyndaǵy alǵashqy qadamdardyń biri energetıkalyq jáne basqa da azamattyq ınfraqurylymǵa shabýyldardy toqtatý bolýy múmkin. Men bul qadamdy qoldadym jáne biz ony júzege asyrýǵa daıyn ekenimizdi rastadym, - dep málimdedi Zelenskıı.

Osyǵan deıin Reseı men AQSh prezıdentteri telefon arqyly sóılesti. Prezıdentter Ýkraına aımaǵynda qalyptasqan jaǵdaı týraly pikir almasty. 

Zelenskıı ishinara atysty toqtatýdy qalaı kóretinin baıandady.

Ýkraına men AQSh prezıdentteri telefon arqyly sóıleskennen keıingi málimdemelerde osy aptada Saýd Arabııasynda ótetin kelissózder aıtyldy. Keshke tilshilermen Zoom arqyly sóılesken Vladımır Zelenskıı bul shara qalaı  bolýy múmkin ekenin túsindirdi.

Onyń aıtýynsha, Kıev soqqy jasalmaıtyn nysandardyń tizimin jasaıdy. Bul tizimge tek energetıkalyq ınfraqurylym nysandary ǵana emes, sonymen qatar porttar men temirjol jelisi de kirýi múmkin, dep keltirdi onyń sózin Reuters.

- Biraq biz [Reseımen] kelisimge kelmeıinshe, tipti atysty ishinara itoqtatý týraly tıisti qujat bolmaıynsha, soǵys jalǵasa beredi dep oılaımyn, - dep jazdy onyń sózin Reuters.

Buǵan deıin Vladımır Zelenskıı Reseıdiń tutqynynda bolǵan 175 ýkraınalyqty qaıtarǵanyn málim etti.