Tramp pen Sı Tszınpın AQSh pen Qytaıdyń tyǵyz yntymaqtastyǵy týraly ýaǵdalasty
ASTANA. QazAqparat - Saılaýaldy naýqan barysynda Tramp Qytaıdyń AQSh-qa qarsy saýda saıasatyn synǵa alǵan. Jańa saılanǵan AQSh prezıdenti Donald Tramp QHR tóraǵasy Sı Tszınpınmen telefon arqyly sóılesý barysynda Beıjińmen berik yntymaqtastyqqa senetinin aıtty, delingen Tramp shtabynyń habarlamasynda.
«Kóshbasshylar ózara syılastyq tanytty, Tramp eki kóshbasshy arasynda eki eldiń damýy úshin barynsha myqty qatynas ornaıtynyna senetinin habarlady», - dep atap ótedi habarlamada.
Memlekettik qytaılyq BAQ aqparatyna sáıkes, Sı Tszınpın áńgimelesý barysynda QHR men AQSh arasyndaǵy yntymaqtastyq eki el úshin senimdi tańdaý bolatynyn aıtty.
Qytaılyq CCTV telearnasy habarlaǵandaı, QHR basshysy elder ózara yntymaqtastyqtyń barlyq salasyn keńeıtip, qatynastardyń odan ári jaqsarýy úshin bárin jasaıtynyn atap ótti.
Sondaı-aq kóshbasshylar taıaýda odan ári yntymaqtastyqty talqylaý úshin kezdeseýge ýaǵdalasty.
Óziniń saılaýaldy naýqanynda Tramp QHR-dyń olarmen júrgizgen saýda saıasatyn birneshe ret synǵa alǵan.
