Tramp pen Pýtın telefon arqyly sóılesti

ASTANA. KAZINFORM - Donald Tramp Reseı prezıdenti Vladımır Pýtınmen telefon arqyly sóılesti.

- Men jańa ǵana Reseı prezıdenti Vladımır Pýtınmen telefon arqyly sóılestim. Qońyraý shamamen bir saǵat on bes mınýtqa sozyldy. Biz Ýkraınanyń turaqtaǵy reseılik ushaqtarǵa shabýylyn, sondaı-aq eki jaqtyń basqa shabýyldaryn talqyladyq. Áńgime jaqsy boldy, biraq tez arada beıbitshilikke ákeletindeı emes. Prezıdent Pýtın jaqynda aerodromdarǵa jasalǵan shabýylǵa jaýap berýge májbúr bolatynyn aıtty, - dep jazdy Tramp Truth Social áleýmettik jelisindegi paraqshasynda.

Tramp sonymen qatar áńgime Iranǵa jáne ıadrolyq qarýǵa qatysty máseleni sheshýge ýaqyt azaıyp bara jatqandyǵyna, sheshim tez qabyldanýy kerek ekenine áser etkenin habarlady.

- Men prezıdent Pýtınge Irannyń ıadrolyq qarýy bolmaýy kerek ekenin aıttym jáne meniń oıymsha, bul másele boıynsha bizde ózara túsinistik boldy. Prezıdent Pýtın Iranmen kelissózderge qatysýdy jáne protsesti jyldamdatýǵa kómektesýdi usyndy. Meniń oıymsha, Iran osy óte mańyzdy másele boıynsha sheshim qabyldaýmen aınalysady jáne bizge jaqyn arada naqty jaýap qajet bolady, - dep atap ótti Tramp.

Kreml Pýtın men Tramptyń telefon arqyly sóıleskenin rastady, dep habarlaıdy TASS.