Tramp pen Harrıs daýys berý aldynda saılaýshylarmen sońǵy kezdesýlerin ótkizdi

ASTANA. KAZINFORM — AQSh-taǵy prezıdenttik saılaýda daýys berýge sanaýly saǵattar qaldy. Memlekettegi eń joǵary laýazymǵa úmitkerler qubylmaly shtattarda saılaýshylarmen sońǵy kezdesýlerin ótkizdi, dep habarlaıdy Euronews. 

Respýblıkalyq partııadan kandıdat Donald Tramp Soltústik Karolına, Pensılvanııa jáne Mıchıganda sóz sóıledi. Basty taqyryptardyń biri — zańsyz kóshi-qon boldy.

Tramp eger Meksıka úkimeti shekara arqyly mıgranttar aǵynyn toqtatpasa, Meksıkadan keletin barlyq ımportqa 25 paıyzdyq baj salyǵyn engizý josparyn jarııalady.

Demokrat Kamala Harrıs saılaý naýqanynyń sońǵy kúni Pensılvanııaǵa bardy. Vıtse-prezıdent Skranton, Allentaýn, Redıng, Pıttsbýrg jáne Fıladelfııada sóz sóıledi.

Tramp pen Harrıstiń saılaý shtabtary Pensılvanııany eń mańyzdy shtat retinde qarastyrady, óıtkeni ol saılaýshylardyń eń kóp daýysyna ıe — 19.

Prezıdenttik básekede áli de aıqyn favorıt joq. Atap ótilgendeı, saılaý qorytyndysyn boljaý múmkin emes.

Eske sala ketsek, 5 qarashada AQSh-ta prezıdenttik saılaý ótedi.

Buǵan deıin AQSh-taǵy prezıdent saılaýy Qazaqstanǵa qalaı áser etýi múmkin ekenin taldap kórgen bolatynbyz.