Tramp partııa qurǵysy kelgen Ilon Maskqa jaýap berdi
ASTANA. KAZINFORM - AQSh prezıdenti Donald Tramp jańa partııa quratynyn jarııalaǵan óziniń burynǵy odaqtasy Ilon Masktyń «jyndy bolyp ketkenin» aıtty, dep habarlaıdy VVS.
- Ilon Masktyń esinen aıyrylǵanyn kórý meni qynjyltady [...] Ol tipti Amerıka Qurama Shtattarynda eshqashan tabysqa jete almaǵanyna qaramastan úshinshi partııa qurǵysy keledi — júıe olarǵa arnalmaǵan sııaqty, - dep jazdy Tramp óziniń Truth Social áleýmettik jelisinde.
Aıta keteıik, Mask «Amerıka» atty jańa saıası partııa qurylǵanyn jarııalady.
AQSh prezıdenti Donald Tramp pen onyń burynǵy odaqtasy, Tesla kompanııasynyń bas dırektory Ilon Mask arasyndaǵy shıelenis qaıtadan órshidi.
Buǵan sebep — eldegi bıýdjettik shyǵyndar týraly zań jobasynyń qabyldanýy. Osyǵan baılanysty AQSh prezıdenti Maskqa memlekettik sýbsıdııalardy alyp tastap, ony Ońtústik Afrıkaǵa «qaıtarýǵa» qoqan-loqqy jasady.
The New York Times basylymynyń málimetinshe, mıllıarder ári Tramptyń burynǵy keńesshisi Mask eger bul ishki saıasatqa qatysty zań jobasy qabyldanatyn bolsa, ózi «Amerıka partııasyn» quryp, Kongresstegi respýblıkashyldardyń kóbine qarsy shyǵatyn kandıdattardy qoldaıtynyn málimdedi.