Tramp: Paramount Harrıspen suhbattasý úshin 16 mıllıon dollar tóledi

ASTANA. KAZINFORM — AQSh prezıdenti Donald Tramp CBS News arnasyna ıelik etetin Paramount Global medıaholdıngi Kamala Harrıspen suhbatqa qatysty sot isin retteý aıasynda 16 mln dollar tólegenin málimdedi, dep habarlaıdy The Washington Times. 

— Biz jańa ǵana «60 mınýt», CBS jáne Paramount-qa qarsy tarıhı sot protsesinde ÚLKEN, MAŃYZDY JEŃІSKE qol jetkizdik, — dep jazdy Aq úı basshysy Truth Social-da.

— Bul jalǵan jańalyqtar taratatyn BAQ-qa qarsy taǵy bir jeńis, biz olardy keń taralǵan alaıaqtyq pen aldaý úshin jaýapqa tartamyz, — dep qosty ol.

Tramp sonymen qatar Paramount-tyń SkyDance medıaholdıngimen josparlanyp otyrǵan birigýine silteme jasaı otyryp jarnama esebinen «jańa ıelerinen» taǵy 20 mıln dollar alady dep kútetinin habarlady. 

Donald Tramp ótken jyldyń sońynda Demokratııalyq partııadan prezıdenttikke kandıdat Kamala Harrıspen qazan aıynda suhbat bergennen keıin «60 mınýt» baǵdarlamasy efırge Izraıl men HAMAS týraly bir suraqqa ártúrli jaýaptar bergen suhbattyń eki nusqasyn jarııalady dep aıyptap, CBS News-ti sotqa berdi. Tramp muny saılaýǵa aralasý maqsatynda kórermenderdi jańylystyrý dep túsinip, 20 mln dollar talap etti.

Aqsha Tramptyń bolashaq prezıdenttik kitaphanasyna jáne onyń sot shyǵyndaryn óteýge jumsalady.