Tramp óziniń qaýipsizdigine alańdaıtynyn aıtty
ASTANA. KAZINFORM — AQSh prezıdenti Donald Tramp óziniń qaýipsizdigine alańdaıtynyn, biraq mundaı oılardan aýlaq bolýǵa tyrysatynyn aıtty, dep habarlaıdy Report.
Bul týraly amerıkalyq kóshbasshy NBC News arnasyna bergen suhbatynda málimdedi, onyń úzindilerin Aq úıdiń baspasóz qyzmeti X áleýmettik jelisinde jarııalady.
— Men bul týraly alańdaımyn, biraq muny oıymnan shyǵarýym kerek, áıtpese meniń jumys isteýim múmkin emes, — dedi amerıkalyq kóshbasshy.
Aıta keteıik, Tramp 2024 jyly eki ret qastandyq jasaý áreketinen aman qalǵan bolatyn. Birinshisi shilde aıynda Pensılvanııadaǵy saılaýaldy naýqanynda bolǵan — snaıperdiń oǵy onyń qulaǵyn janap ótken. Ekinshi oqıǵa onyń Florıdadaǵy Mar-a-Lago rezıdentsııasynyń janynda boldy.
Osyǵan deıin Donald Tramp Garvardtan 1 mlrd dollar kóleminde ótemaqy talap etkeni týraly jazdyq.