Tramp ózin Venesýela prezıdentiniń mindetin atqarýshy dep jarııalady
ASTANA. KAZINFORM – Aq úı basshysy Donald Tramp Truth Social áleýmettik jelisindegi akkaýntynda ózin «Venesýela prezıdentiniń mindetin atqarýshy» dep ataǵan sýret jarııalady, dep habarlaıdy Kazinform.
Skrınshotta («Vıkıpedııadaǵy» ómirbaıanǵa uqsas) AQSh prezıdentiniń bul laýazymdy atqarýǵa 2026 jyldyń qańtarynda «kiriskeni» atalǵan. Bul rette sol «ómirbaıanda» Tramp AQSh prezıdenti laýazymyn da saqtap qaldy.
Aq úıden nemese Venesýela oppozıtsııasynyń ókilderinen bul jarııalanymǵa qatysty ázirge eshqandaı resmı túsinik bolǵan joq.
Aıta keteıik, arnaıy operatsııa barysynda Venesýela prezıdenti Nıkolas Madýro men onyń jubaıy AQSh-qa jetkizilip, tutqyndalǵan.
Madýro Nıý-Iorkte esirtki saýdasyna qatysty sot aldynda jaýap berdi.
Madýro men onyń jubaıy alǵashqy sot otyrysynda ózderin kináli dep eseptemeıtinderin málimdedi.
Buǵan deıin Tramp Florıdadaǵy Mar-a-Lago rezıdentsııasynda AQSh Venesýelany basqaratynynyn málimdegen bolatyn.