Tramp otbasy 499 dollarlyq «Altyn smartfondy» satylymǵa shyǵarady
ASTANA. KAZINFORM — Trump Organization kompanııasy Trump Mobile jelisiniń iske qosylǵanyn, sondaı-aq «altyn jalatylǵan» T1 smartfonynyń shyǵarylǵanyn málimdedi, dep habarlaıdy The Verge.
Trump Mobile aıyna 47,45 dollarǵa shekteýsiz tarıfti usynady. T1 smartfony 499 dollar turady. Ol AQSh-ta óndirilgen jáne bıyl satylymǵa shyǵady delingen.
—Trump Mobile uıaly telefondar men uıaly baılanys salasynda tóńkeris jasaǵysy keledi, — dedi AQSh prezıdentiniń ortanshy uly jáne Trump Organization vıtse-prezıdenti Erık Tramp.
The Verge basylymynyń habarlaýynsha, Trump Mobile basqa operatorlardyń osyǵan uqsas usynystarynan qymbatyraq. T1 smartfonynyń tehnıkalyq sıpattamalary da áserli emes kórinedi.
Eske sala keteıik, Mask pen Tramptyń janjalynan soń olardyń kompanııalary aktsııalarynyń quny quldyraǵany jaıly jazǵan edik.