Tramp Ormýz buǵazynyń ataýyn «ózgertti»
ASTANA. KAZINFORM — AQSh prezıdenti Donald Tramp Ormýz buǵazy «Tramp buǵazy» dep ózgertilgen kartany jarııalady, dep habarlaıdy Kazinform.
Aq úıdiń basshysy kartanyń sýretin Truth Social jelisinde bólisti. Onda buǵaz sheńbermen belgilenip, «Tramp buǵazy» dep kórsetilgen.
BBC habarlaýynsha, Irannyń syrtqy ister mınıstri Abbas Aragchı juma kúni Tegeran AQSh-qa Ormýz buǵazyn bir apta ishinde qaıta ashý jóninde kelisim usynǵanyn aıtty.
Aragchıdiń sózinshe, Ormýz buǵazyn qaıta ashý úshin maýsym aıynda qol qoıylǵan ózara túsinistik týraly memorandýmda kórsetilgen «qajetti sharttar» oryndalýy kerek.
— Endi sheshim AQSh-tyń qolynda, — dedi Aragchı. Onyń aıtýynsha, bul jospar AQSh-qa Qatar arqyly jetkizilgen.
AQSh tarapy usynysqa áli resmı jaýap bergen joq. Alaıda The Wall Street Journal amerıkalyq sheneýnikterge silteme jasap, Donald Tramp kelisimdi qabyldamaǵanyn jazdy.
Buǵan deıin Ormýz buǵazynda júk kemesine soqqy jasalǵan bolatyn.
Sonymen qatar Tramp Kanada men AQSh shekarasyndaǵy Ontarıo kólin «Amerıka kóli» dep ózgertkenin habarlaǵan bolatynbyz.
