Instagram on jylda alǵash ret logotıpin jańartty
ASTANA.KAZINFORM — Instagram on jyl ishinde alǵash ret logotıpin ózgertti. Bul týraly kompanııa basshysy Adam Mosserı óziniń áleýmettik jelidegi paraqshasynda habarlady, dep 24 kg jazdy.
Onyń aıtýynsha, logotıp burynǵydan «yqsham ári zamanaýı» bola túsýi úshin jańartylǵan. Alaıda ózgeris qosymshanyń belgishesine emes, Instagram ataýy jazylǵan qaripke qatysty.
Instagram logotıpi sońǵy ret 2016 jyly túbegeıli ózgergen edi. Oǵan deıin qosymshanyń belgishesinde Polaroid kamerasynyń beınesi bolǵan.
— Qosymshanyń joǵarǵy bóligindegi logotıp 10 jyl boıy ózgergen joq. Sondyqtan ony jańartatyn ýaqyt keldi. Jańa nusqa yqsham ári zamanaýı, sonymen qatar bastapqy logotıpke qaraǵanda qarapaıym, — dep jazdy Adam Mosserı.
Instagram-nyń buǵan deıingi logotıpi 2016 jylǵy mamyrda qosymshanyń vızýaldy rebrendıngi aıasynda tanystyrylǵan bolatyn.
Aıta keteıik, buǵan deıin Meta kompanııasy jasandy ıntellekt kómegimen sýret jasaý jáne óńdeýge arnalǵan jańa Muse Image servısin tanystyrǵan bolatyn. Jańa servıs mátindik sıpattama negizinde keskinder jasap, daıyn fotosýretterdi óńdeýge múmkindik beredi. Onyń basty múmkindikteriniń biri — Instagram-daǵy ashyq akkaýnttarda jarııalanǵan fotosýretterdi jańa JI-keskinderdi jasaý kezinde paıdalaný.
