Tramp Ońtústik Koreıada Sı Tszınpınmen kezdesedi

ASTANA. KAZINFORM — Aq úıdiń baspasóz qyzmeti kelesi aptada AQSh prezıdenti Donald Tramptyń Azııaǵa sapary kezinde QHR tóraǵasy Sı Tszınpınmen kezdesetinin jarııalady, dep habarlaıdy Anewz.

Aq úıdiń baspasóz hatshysy Kerolın Lıvıtt jýrnalısterge prezıdent Tramp juma kúni keshke Malaızııaǵa baratynyn aıtty. Sapar barysynda ol Japonııa men Ońtústik Koreıaǵa aıaldaıdy. Al Qytaı tóraǵasy Sı Tszınpınmen kezdesý Tramptyń Azııa-Tynyq muhıty ekonomıkalyq yntymaqtastyǵy (APEC) sammıtinen keıin josparlanǵan.

— Jergilikti ýaqyt boıynsha beısenbi kúni tańerteń prezıdent Tramp elge oralmas buryn Qytaı Halyq Respýblıkasynyń tóraǵasy Sı Tszınpınmen ekijaqty kezdesý ótkizedi, — dedi Levıtt.

Tramp sársenbide Ońtústik Koreıaǵa barady, onda ol prezıdent Lı Chje Menmen kezdesedi. APEC bıznes kóshbasshylarynyń túski asynda sóz sóıleıdi. Sodan keıin AQSh pen ATES basshylaryna arnalǵan jumys keshine qatysady.

Vashıngton men Beıjiń arasyndaǵy shıelenis qazan aıynyń basynan bastaldy. Qytaı sırek kezdesetin metaldar eksportyna shekteýlerdi aıtarlyqtaı keńeıtken kezden bastap shıelenis údeı tústi. Alaıda Tramp ta qarap qalmady. Ol tarıf jáne basqa da sharalarmen qorqytty. Biraq sońǵy kúnderi saýda kelisimine qol jetkizýge optımıstik kózqaras tanytty.

— Meniń oıymsha, bul is óte jaqsy aıaqtalady jáne bári rıza bolady, — dedi Tramp.  

Tramp eń aldymen fentanıl máselesin kóteretinin aıtty. Vashıngton Pekındi uzaq ýaqyttan beri AQSh-ta ólimge ákeletin artyq dozalanǵan preparatty óndirý úshin paıdalanylatyn prekýrsorlardy eksporttaýǵa kedergi keltirdi dep aıyptap keledi. Qytaı óz kezeginde bul aıypty joqqa shyǵaryp, Vashıngtondy bul máseleni Beıjińge «bopsalaý» úshin paıdalandy dep aıyptady. 

Aq úı Qytaıdan keletin osy hımııalyq zattardyń aǵynyn Qytaı ımportyna baj salyǵyn kóterý sebepteriniń biri retinde atady.

— Men oǵan qoıatyn birinshi suraq — fentanıl. Men ony tizimniń basyna qoıamyn, — dedi Tramp.

Osyǵan deıin Tramp Býdapeshtte Pýtınmen ázirge kezdespeıtinin málimdedi.