Tramp ólim jazasyn federaldy deńgeıde qaıta engizdi

ASTANA. KAZINFORM - Ol Bas prokýrorǵa shtattardy ólimge ákeletin ınektsııaly preparattarmen qamtamasyz etýdi tapsyrdy.

AQSh prezıdenti Donald Tramp federaldy ólim jazasyn qaıta bastaý týraly Jarlyqqa qol qoıdy.

— Amerıka Qurama Shtattarynyń saıasaty ólim jazasyna ruqsat beretin zańdardy qurmetteýge jáne tolyǵymen oryndaýǵa, sondaı-aq ólim jazasyn oryndaýǵa kedergi jasaý arqyly zańǵa nuqsan keltiretin saıasatkerler men sýdıalarǵa qarsy turýǵa baǵyttalǵan, - delingen jarlyqta.

Bas prokýrorǵa aýyrlyǵy talap etetin barlyq qylmystar úshin ólim jazasyn qoldanýǵa nusqaý berildi.

- Bas prokýror ólim jazasy qoldanylatyn ár shtattyń qajetti prepartattardyń jetkilikti kólemde bolýyn qamtamasyz etý úshin barlyq qajeti zańdy sharalardy qoldanýy kerek, - delingen jarlyqta.

Esterińizge sala keteıik, AQSh prezıdenti Donald Tramp basqa elderdiń damýyna kómek baǵdarlamalaryn 90 kúnge toqtata turý týraly jarlyqqa qol qoıdy.

Ol sondaı-aq AQSh-ta Tik Tok-ty buǵattaýdy keıinge qaldyrdy.

Buǵan deıin AQSh-tyń jańa prezıdenti ant qabyldaǵannan keıin qol qoıǵan alǵashqy jarlyqtar týraly habarlanǵan bolatyn.