Tramp Obamanyń ózine qaldyrǵan hatyn oqyǵandyǵyn aıtty
ASTANA. QazAqparat - AQSh prezıdenti Donald Tramp Aq úıdegi jumys ústeliniń tartpasynda Barak Obamanyń ózine qaldyrǵan hatyn oqyǵandyǵyn málim etti.
Bul týraly 45-inshi prezıdent Aq úıdiń Ulttyq qaýipsizdik keńesi apparatynyń joǵary laýazymdy qyzmetkerlerinen ant qabyldaý barysynda aıtty, dep habarlaıdy QazAqparat.
«Men kabınetke kirgenimde, Obamanyń qaldyrǵan tamasha hatyn kórdim. Onyń tarapynan hatty jazý keremet boldy», - dedi Tramp onyń mátinin jarııa etpeıtinin aıta kele.
Lenta.ru-diń jazýynsha, AQSh-tyń qyzmet merzimi aıaqtalǵan prezıdentiniń eldiń jańa basshysyna hat qaldyrýy - burynnan kele jatqan dástúr. Hattyń mátini onyń avtory men adresatqa ǵana málim bolady.
Donald Tramp AQSh prezıdenti laýazymyna resmı túrde 20 qańtar kúni kiristi. Ulyqtaý rásimi Vashıngtonda Kapıtolıı mańynda ótti. Onyń ınaýgýratsııalyq sóziniń basty bóligi - eldegi bılikti halyqqa qaıtarý ýádesi boldy.
Sol kúni Tramp memleket basshysy retindegi birqatar óziniń alǵashqy jarlyqtaryna qol qoıdy.
