Tramp Obamanyń 70% jarlyqtarynyń kúshin joımaq
ASTANA. QazAqparat - AQSh kongresiniń burynǵy spıkeri Nıýt Gıngrıch Fox News telearnasynyń efırinde AQSh-tyń jańadan saılanǵan prezıdenti Donald Tramp ınaýgýratsııadan keıin Obama qol qoıǵan jarlyqtardyń 70 paıyzyn ózgertetinin málim etti, dep jazdy Gazeta.ru.
«Menińshe, ol óziniń taǵaıyndalýynan keıin alǵashqy kúnderi B.Obamadan muraǵa qalǵan jarlyqtardyń 60 nemese 70 paıyzynyń kúshin joıady. Sondaı-aq, ol Demokratııalyq partııanyń birneshe ókilimen baılanys ornatýǵa tyrysady dep oılaımyn. Bul respýblıkashylardy tańǵaldyrýy múmkin, biraq osy áreketter Trampqa Aq úı men Senattaǵy jaqtastaryn kóbeıtýge septigin tıgizedi», - dedi Gıngrıch.
Onyń aıtýynsha, Tramp «aqyldy zańgerlerdiń» kómegimen Obamanyń qaıta qaraýǵa jatpaıtyn jarlyqtaryn da joıýy múmkin.
