Tramp Obamany 2016 jylǵy saılaýda alaıaqtyq jasady dep aıyptady

ASTANA. KAZINFORM — AQSh prezıdenti Donald Tramp burynǵy prezıdent Barak Obamany 2016 jylǵy prezıdenttik saılaýda alaıaqtyq jasady dep aıyptady. 

Bul týraly ol Truth Social áleýmettik jelisindegi paraqshasynda jazdy.

Tramp Fox News arnasynyń jýrnalısi Harrıson Fıldstiń Obamanyń saılaý nátıjelerin burmalaý áreketterin áshkerelegen sózin joǵary baǵalady.

— Fox News-tiń jas ári talantty jýrnalısi Harrıson Fılds tamasha jumys atqardy. Sarapshylar toby Obamany jáne jańa ǵana joǵary deńgeıdegi saılaý alaıaqtyǵy úshin áshkerelengen «bandalardy» sotqa tartýdy usyndy, — dep jazdy Tramp.

Sonymen qatar AQSh prezıdenti Ulttyq barlaý dırektory Týlsı Gabbardty da atqarǵan jumysy úshin maqtady.

Juma kúni Ulttyq barlaý qyzmetiniń dırektory Týlsı Gabbard 2016 jylǵy saılaýda Donald Tramp jeńiske jetkennen keıin Obama ákimshiliginiń saılaý nátıjelerin joqqa shyǵarý úshin jalǵan aqparat taratpaq bolǵanyn dáleldeıtin esep jarııalady.

Buǵan deıin Donald Tramp The Wall Street Journal basylymyndaǵy maqalaǵa baılanysty medıamagnat Rýpert Merdokqa qarsy talap-aryz túsirgen bolatyn.