Tramp NPR radıosy men PBS telearnalar jelisiniń qarjylandyrýyn qysqartty

ASTANA.KAZINFORM — Aq úıdiń veb-saıtynda jarııalanǵan buıryq Ulttyq qoǵamdyq radıoǵa (NPR) jáne Qoǵamdyq habar taratý qyzmetine (PBS) qarajat taratatyn Qoǵamdyq habar taratý korporatsııasyn (CPB) «tikeleı qarjylandyrýdy tolyq kólemde toqtatýǵa» jáne bolashaq qarjylandyrýdy toqtatýǵa buıryq beredi, dep jazady BBC. 

Sheshim Tramptyń NPR de, PBS de «bolyp jatqan oqıǵalardy ádil, dál jáne beıtarap kórsetpeıdi» degen pikirine negizdelgen.

NPR jáne PBS ekeýi de tapsyrysta «birjaqty medıa» dep belgilengen. Eki habar taratýshy da Tramp pen onyń ákimshiliginiń bastamalaryn birneshe ret synady.

Wall Street Journal eki uıymnyń da qaıyrymdylyq pen demeýshilik kómekke súıenetinin atap ótedi. CPB-dan PBS jyldyq qarjylandyrýdyń 10%, NPR 15% alýy kerek edi.

NPR qazir AQSh-taǵy 1000 jergilikti radıostantsııa jańalyqtaryn taratady, al PBS-tiń 350 enshiles stantsııasy bar. The Guardian keltirgen málimetterge súıensek, 40 mıllıonnan astam amerıkalyq apta saıyn NPR stantsııalary men baǵdarlamalaryn tyńdaıdy jáne aı saıyn 36 mıllıon PBS arnalaryn kóredi.

Aıta ketelik Tramp Irannan munaı satyp alatyndarǵa sanktsııa salynatynyn aıtqan edi.