Tramp Netanıahýdy sottan qorǵap, oǵan keshirim jasaýǵa shaqyrdy
ASTANA. KAZINFORM – Prezıdent Donald Tramp Izraıl premer-mınıstri Bınıamın Netanıahýdy qorǵap sóz sóıledi. Ol sózinde premerge qarsy sot protsesi jemqorlyqpen baılanysty ekenin málim etti, dep habarlaıdy Kazinfrom tilshisi.
- Men jaqynda ǵana óziniń tarıhyndaǵy uly isterge toly ýaqytty bastan keshirgen jáne Netanıahý syndy ózine senimdi basshy basqaryp otyrǵan Izraıl memleketiniń ishten jaý izdep, óziniń uly premerinen kúdiktenip otyrǵanyn estip, tań qaldym, - dep jazdy Truth Social jelisindegi paraqshasynda.
Tramp sondaı-aq sózinde «Biz Bıbı (Netanıahý) ekeýmiz jaqynda ǵana Izraıldiń óte qatal, ejelgi jaýy Iranmen soǵysa otyryp, tamuqtan shyqqandaı bolyp otyrmyz. Bıbı Izraıl tarıhynda bolmaǵan myqty batyr ekenin kórsetti», -dedi.
AQSh prezıdenti Izraıl premer-mınıstriniń uzaq ýaqyttan beri jalǵasyp kele jatqan (Bul 2020 jyldan beri jalǵasyp kele jatqan masqara shoý. Izraıldiń is basyndaǵy premer-mınıstriniń sotta jaýap berýi alǵash ret bolyp otyr) saıası maqsatta daıyndalǵan sot otyrysyna shaqyrylǵanyna qapa bolǵanyn aıtty.
- Bıbıdiń soty jedel túrde toqtatylyp, halqynyń uly batyryna keshirim jasaý kerek. Izraıldi qutqaryp qalǵan AQSh bolatyn, Bıbı Netanıahýdy da AQSh qorǵaıtyn bolady. Bul «ádiletti sotty» toqtatý kerek,-dep aıaqtady sózin AQSh prezıdenti.
Aıta keteıik, Neanıahýǵa gollıvýdtyq magnat Arnon Mılchennen qymbat syılyqtar aldy degen aıyp taǵylyp otyr, dep jazady FOX News.
Buǵan qosa Netanıahýdyń jubaıy 1996 jyly Mılchanmen keshki as aldynda alyp Bagza Bannı oıynshyǵyna tapsyrys bergen.
Osyǵan deıin Tramptyń Izraıl men Iran arasynda atystyń tolyq toqtatylǵanyn jarııalaǵany týraly jazǵan edik.