Tramp nesıe kartasynyń paıyzdyq mólsherlemesin 10%-ǵa deıin tómendetpek

ASTANA.KAZINFORM - AQSh prezıdenti Donald Tramp nesıe kartasynyń paıyzdyq mólsherlemesin bir jylǵa 10%-ǵa deıin shekteýdi qoldaıtynyn málimdedi, dep habarlaıdy Kazinform menshikti tilshisi.

- Biz endi nesıe kartasy kompanııalaryna Djo Baıden ákimshiligi kezindegideı uıqyly-oıaý sheshim qabyldaýǵa jol bermeımiz. Budan bylaı 20%-dan 30%-ǵa deıin jáne odan da joǵary paıyzdyq mólsherlemelerdi belgileý arqyly amerıkalyq qoǵamdy aldaýǵa jol bermeıtinimizdi eskertemiz, - dep jazdy Tramp Truth Social saıtynda.

Tramp «2026 jyldyń 20 qańtarynan bastap nesıe kartasynyń paıyzdyq mólsherlemesin 10%-ǵa deıin bir jylǵa shekteýdi» talap etti.

Mıllıarder hedj-qorynyń menedjeri Bıll Akman Tramptyń málimdemesine jaýap retinde prezıdenttiń usynysyn «qatelik» dep ataǵanyn jazdy FOX Business.

- Shyǵyndardy jabýǵa jáne kapıtalǵa tıisti kiris ákelýge jetkilikti mólsherlemelerdi belgileı almaǵandyqtan, nesıe kartalaryn shyǵarýshylar mıllıondaǵan tutynýshylardyń kartalaryn joıyp jiberedi, olar buryn tólegennen góri joǵary mólsherlemelermen nesıe alý úshin nesıe berýshilerge júginýge májbúr bolady, - dep jazdy Bıll Akman X-te.

Buǵan deıin 2025 jyldyń sońynda amerıkalyqtardyń jartysyna jýyǵy qarjylyq qıyndyq kórip otyrǵanyn habarlaǵan edik.