Tramp MRT-dan ótti

ASTANA. KAZINFORM – Prezıdent Donald Tramp jaqynda Ýolter Rıd atyndaǵy ulttyq áskerı medıtsınalyq ortalyǵynda tekserý kezinde MRT-dan ótkenin jarııalap, qorytyndylary minsiz bolǵanyn atap ótti, dep habarlady CBS News. 

Qazan aıynyń basynda Tramp sáýir aıyndaǵy tekserýden alty aı ótken soń Taıaý Shyǵysqa attanar aldynda qosymsha tekserýden ótti. 

Tramptyń MRT-dan aldyn alý sharasy retinde ótkeni nemese ony skanerleýden ótýge ıtermelegen naqty máseleler bolý-bolmaýy belgisiz.

- Iá, men MRT jasadym, bári jaqsy boldy, ıá. Men sizge tolyq qorytyndyny usyndym. Biz MRT jasadyq, bári jaqsy boldy, - dep habarlady Donald Tramp. 

AQSh prezıdenti málimdegendeı, dárigerleri onyń jasyna qatysty eń jaqsy nátıjele kórsetilgenin aıtty. 

Prezıdent dárigeri, kapıtan Shon Barbarella Trampty teksergennen keıin qyzmettik jazbasynda prezıdenttiń fızıkalyq jaǵdaıy óte jaqsy ekenin jáne onyń bıologııalyq jasy «hronologııalyq jasynan shamamen 14 jasqa kishi» ekenin habarlady. 

Barbarella prezıdent «zamanaýı vızýaldaý, zerthanalyq tekserý jáne profılaktıkalyq medıtsınalyq tekserýlerden» ótkenin habarlap, «sapar aıasynda júrgizilgen keshendi zerthanalyq tekserýler turaqty metabolıkalyq, gematologııalyq jáne júrek parametrlerin qosa alǵanda, erekshe nátıjeler kórsetkenin» qosty.

Buǵan deıin Tramp ekinshi ret josparly medıtsınalyq tekserýden ótetinin jazǵan bolatynbyz.