Tramp mıgranttarǵa kúnine 1000 dollarǵa jýyq aıyppul salýdy josparlap otyr
ASTANA.KAZINFORM — Donald Tramp deportatsııalaýǵa ushyraǵan mıgranttar AQSh-tan ketpese, olarǵa kúnine 998 dollar aıyppul salyp, ony tólemegen jaǵdaıda múlkin tárkileýdi josparlap otyr, dep habarlaıdy Yahoo News.
Deportatsııalaý týraly buıryǵy bola tura uzaq ýaqyt boıy AQSh-ta júrgen mıgranttarǵa 1 mıllıon dollardan astam aıyppul salynýy múmkin.
Іshki qaýipsizdik departamentiniń ókili Trısha Maklaflın Reuters agenttigine AQSh-ta zańsyz júrgen mıgranttar CBP Home qoldanbasy arqyly «dál qazir óz betterimen elden ketýleri kerek» ekenin aıtty.
Shamamen federaldy mıgratsııalyq sot deportatsııalaýǵa buıryq bergen, biraq áli AQSh-tan ketpeı júrgen 1,4 mln mıgrantqa aıyppul salynady.
Buǵan deıin AQSh-taǵy deportatsııalaýlar men qazaqstandyq mıgranttardyń jaǵdaıy týraly habarlanǵan bolatyn.
Aıta ketelik Tramp tarıfterge baılanysty 500 mıllıon dollar joǵaltqan edi.