Tramp memleketterge barlyq salalardy qamtıtyn baj salyǵyn engizbek
ASTANA.KAZINFORM - Prezıdent Donald Tramp AQSh-tyń barlyq saýda seriktesteri úshin 10% tarıfti jáne óziniń «Amerıka birinshi kezekte» atty baǵdarlamasy aıasynda ózge ondaǵan memleketke barlyq salany qamtıtyn joǵary baj salyǵyn engizýdi qarastyratyn paketin usyndy, dep habarlaıdy Kazinform agenttiginiń menshikti tilshisi.
-Qurmetti amerıkalyqtar, búgin azattyq kúni, - dep bastady Tramp sózin.
Tramp jańa sharalardy «barlyq elder úshin ekijaqty tarıf» dep atady. Ol AQSh-tan ımporttalatyn taýarlarǵa salynatyn «tym joǵary» tarıfterdi eksport tarıfimen salystyryp, synǵa aldy.
-2025 jyldyń 2 sáýiri Amerıka ónerkásibiniń qaıta jandanǵan, Amerıkanyń burynǵy dáýiri qaıta oralǵan, biz AQSh-ty qaıtadan baı elge aınaldarǵan kún retinde máńgi este qalady, - dep málimdedi Tramp.
Tramp ákimshiligi 10 paıyzdyq bazalyq tarıften ózge Aq úı AQSh-tyń saýda teńgeremin óreskel buzdy dep sanaıtyn elder úshin jaýap retinde baj salyǵyn engizedi. Bul baj osy elderdiń AQSh eksportynan alatyn stavkalardyń jartysyna jetedi.
Tramp keıbir memleketterdiń stavkasy óte joǵary ekenin aıtty. Tizimdi AQSh taýarlaryna 67 paıyz stavka qoıǵan Qytaı bastap tur. Bul elge tarıf 34 paıyz bolady.
Biraq eń joǵary tarıfter Kambodjaǵa - 49% (AQSh-tan 97% óndiredi) jáne Vetnamǵa - 46% (90%) qatysty da qoldanylady.
Sondaı-aq tizimde:
Taıland – 36% (72%),
Taıvan – 32% (64%),
Indonezııa – 32% (64%),
Shveıtsarııa – 31% (61%),
Ońtústik Afrıka – 30% (60%),
Úndistan – 26% (52%),
Japonııa – 24% (46%),
Ońtústik Koreıa – 25% (50%)2,
Malaızııa - 24% (47%),
EO - 20% (39%) jáne basqa elder bar.
Aq úı basshysy sheteldik taýarlarǵa jarııalanatyn aýqymdy tarıf tártibin túzetýge ýáde berdi, ol oıyn erejesin teńestiretinin aıtty.
- Biz olardan bizden alatyn tólemniń jartysyna jýyǵyn óndirip almaqpyz, - dedi Donald Tramp jańa tarıfter kórsetilgen kesteni kóterip.
Donald Tramp bul amerıkalyq ındýstrııa qaıta jandanǵan kún bolatynyn jáne jańa «Amerıkanyń altyn ǵasyry» týraly aıtty.
Sondaı-aq óz sózinde Tramp Reseı men Ýkraına arasyndaǵy qaqtyǵysty toqtatý qajettigin atap ótti.
Buǵan deıin naýryzda AQSh shekarasynan zańsyz ótkender sany rekordtyq deńgeıge deıin tómendegeni týraly jazdyq.