Tramp Meksıkamen aradaǵy qabyrǵany qara túske boıap tastaýdy buıyrdy
ASTANA. KAZINFORM – Іshki qaýipsizdik mınıstri Krıstı Noem seısenbi kúni AQSh pen Meksıka arasyndaǵy qabyrǵa zańsyz mıgratsııaǵa tosqaýyl bolý úshin basynan sońyna deıin qara túske boıalatynyn málimdedi, dep habarlaıdy CBS News.
Onyń sózinshe, bul is Donald Tramptyń bastamasymen júzege asyrylyp jatyr.
Noem arnaıy sapary barysynda qabyrǵanyń Nıý-Meksıkodaǵy bóligine shyǵyp, ony syrlaı bastady.
Ol Іshki qaýipsizdik mınıstrliginiń metaldyń barynsha qyza túsýi úshin qara tústi paıdalanatynyn málimdedi.
- Bul prezıdenttiń arnaıy tapsyrmasy. Ol mundaǵy aýa temperatýrasynyń joǵary deńgeıinde qandaı da bir zatty qara túske boıasa ol qyzyp turatynyn, soǵan qaraı qabyrǵaǵa shyǵý da qıyndaıtynyn meńzedi, -dedi Krıstı Noem.
Osy sharaǵa Noemmen birge qatysqan AQSh Shekara qyzmetiniń bastyǵy Maık Benks qara tústiń sonymen qatar temirdiń shirýden saqtaıtynyn aıtty.
Meksıka prezıdenti AQSh-pen shekaradaǵy jańa qabyrǵa qurylysyna qarsy shyqty.