Tramp Meksıkadaǵy esirtki kartelderine shabýyl jasaýǵa qarsy emes
ASTANA. KAZINFORM – AQSh prezıdenti Donald Tramp esirtki kartelderimen kúresý úshin Meksıkaǵa yqtımal coqqy jasaýǵa nemese amerıkalyq áskerlerdi jiberýge qarsy emes ekenin málimdedi, dep habarlaıdy NBC News.
- Esirtki saýdasyn toqtatý úshin Meksıkaǵa shabýyl jasaımyn ba? Men oǵan qarsy emespin, biz esirtki saýdasyn toqtatý úshin qoldan kelgenniń bárin jasaımyz. Men demalys kúnderi Mehıko qalasynda boldym, onda kúrdeli máseleler bar, - dep habarlady Donald Tramp.
Tramp Meksıkaǵa soqqy sol eldiń ruqsaymen jasalady ma degen saýalǵa, jaýap bermeıtinin aıtty. Ol qazir kelissióz júrgizip jatqanyn, meksıkalyqtar onyń ustanymyn jaqsy biletinin jetkizdi.
- Biz sý joldaryn jaýyp tastadyq, biraq biz árbir baǵytty bilemiz. Biz árbir esirtki baronynyń mekenjaıyn bilemiz. Biz olardyń árqaısysy týraly bárin bilemiz. Olar adamdarymyzdy óltirip jatyr. Bul soǵysqa uqsaıdy. Men muny ister me edim deısiz be? Men bunymen maqtanar edim, - dedi Donald Tramp.
Meksıka prezıdenti Klaýdııa Sheınbaým Meksıkadaǵy amerıkalyq áskerı áreketter óziniń ruqsatynsyz múmkin emes ekenin birneshe ret málimdedi.
Tramp sonymen qatar Kolýmbııadaǵy kokaın fabrıkalary jabylsa, qýanatynyn aıtty.
Buǵan deıin Tramp Venesýelada qurlyqtaǵy áskerı operatsııanyń júrgizilý múmkindigin joqqa shyǵarmady.