Tramp Meksıka men Kanada kelisimin qaıta qaraıdy – Govard Lıýtnık
ASTANA. KAZINFORM – Saýda mınıstri Govard Lıýtnıktiń málimdeýinshe, prezıdent Donald Tramp Amerıkadaǵy jumys oryndaryn qorǵaý úshin kelesi jyly AQSh-Meksıka-Kanada kelisimin (USMCA) qaıta qaraýy múmkin, dep habarlaıdy FOX Business.
- Bul óte oryndy. Meniń oıymsha, prezıdent USMCA kelisimin mindetti túrde qaıta qaraıdy, biraq bul bir jyldan keıin bolady, - dep habarlady Govard Lıýtnık.
USMCA merziminiń bóligi bolyp tabylatyn bul kelisimdi ár alty jyl saıyn qaıta qaraýǵa múmkindik beredi.
- Ol Amerıkadaǵy jumys oryndaryn qorǵaǵysy keledi. Ol Mıchıgan men Ogaıoda jasaýǵa bolatyn kólikterdiń Kanadada nemese Meksıkada shyǵarylǵanyn qalamaıdy. Bul amerıkalyq jumysshylar úshin jaqsyraq, - dep málimdedi saýda mınıstri.
Lıýtnık Tramptyń saýda men tarıfterge degen kózqarasyn joǵary baǵalap, prezıdent «muny durys istep jatyr, prezıdent amerıkalyq jumysshylardy qoldaıdy, olar ony sondyqtan saılady» dep málimdedi.
AQSh, Meksıka, Kanada arasyndaǵy kelisimi (USMCA) 2020 jyldyń 1 shildesinde kúshine endi jáne ol 510 mln-nan astam halqy bar álemdegi eń iri erkin saýda aımaqtarynyń biri. Kelisim teńgerimdi saýda ortasyn qalyptastyryp otyr jáne qatysýshy elder ekonomıkasynyń ósýine yqpal etti.
AQSh-tyń Kanada jáne Meksıkamen saýda soǵysy 2025 jyldyń 1 aqpanynda bastaldy. Tramp sol kezde «zańsyz ımmıgranttar men esirtkiden týyndaıtyn tótenshe qaýip» týraly aıtyp, Kanada men Meksıkadan keletin ımportqa qosymsha 25% baj salyǵyn engizdi.
Buǵan deıin AQSh 1 tamyzdan bastap EO men Meksıka taýarlaryna 30% kedendik baj salyǵyn engizetini týraly jazǵan bolatynbyz.