Tramp medıtsınalyq tekserýden jáne dementsııa synaǵynan ótti

ASTANA.KAZINFORM - Amerıka prezıdenti josparly medıtsınalyq tekserý kezinde kognıtıvti testileýden ótti, dep habarlaıdy DW.

78 jastaǵy saıasatker mundaı saraptamadan bas tartqan burynǵy prezıdent Djo Baıdennen basqasha áreket etýdi sheshkenin aıtty.

- Men barlyq suraqtarǵa durys jaýap bergenimnen basqa sizderge ne aıtarymdy bilmeımin, - dedi respýblıkashyl juma kúni keshke, 11 sáýirde jýrnalısterge.

Alaıda ol test túri nemese onyń naqty nátıjeleri týraly málimetterdi jarııalamady.

Tramp buǵan deıin de talaı ret kognıtıvti test tapsyrǵanyn jáne olardan qatelespeı ótkenin aıtty. Medıtsınalyq tekserýden keıingi jalpy jaǵdaıy týraly da oń pikirin bildirdi.

— Jalpy, men ózimdi óte jaqsy formada sezindim. Júregim tynysh, janym jomart, - dedi ol.

Test nátıjesi 13 sáýirde jarııalanady.

Amerıka saıasatynyń bir ereksheligi bar: prezıdentter ara-tura óz densaýlyqtary týraly aqparatty jarııalaıdy. Bul zańmen talap etilmeıdi, biraq barlyq amerıkalyq memleket basshylary ustanatyn salt-dástúrge aınaldy.

Donald Tramp prezıdent retindegi birinshi merziminde (2017-2021) kópshilik onyń aqyl-oı qabileti men el basqarýǵa jaramdylyǵyna kúmándandy. Sodan keıin ol kognıtıvti test arqyly osy kúmándi joıýǵa tyrysty. 2018 jyldyń qańtarynda ol dementsııany nemese Altsgeımer aýrýyn erte anyqtaý úshin jıi qoldanylatyn synaqtan ótti. Sodan keıin Tramp maksımaldy upaıǵa - 30 upaıdan 30 upaıǵa ıe bolyp, onysyn maqtan tutty. Ol buryn ózin «óte turaqty danyshpan» dep sıpattaǵan.

Aıta keteıik, Donald Tramp Qytaıǵa baj salyǵyn 145 paıyzǵa deıin kóterdi.