Tramp Máskeý men Kıevti beıbit kelissózderdi bastaýǵa shaqyrdy

ASTANA. KAZINFORM - Truth Social áleýmettik jelisindegi paraqshasynda AQSh prezıdenti Donald Tramp Ýkraınadaǵy qaqtyǵys rettelgenge deıin, Reseıge qarsy santsııalar kúsheıtilýi múmkin ekenin jetkizdi, dep habarlaıdy BBC.

- Reseı qazir urys alańynda Ýkraınany tyqsyryp barady. Osy faktini negizge ala otyryp men Reseıge qarsy aýqymdy banktik santsııalardy jáne tarıfterdi qarastyryp jatyrmyn. Bul jaǵdaı atys toqtap, álemde tolyqqandy beıbitshilik ornamaıynsha jalǵasa beredi. Ýkraına men Reseı, tym kesh bolmaı turǵanda kelissózderdi qazir bastańdar. Rahmet!!! -dep jazdy Tramp.

Osyǵan deıin AQSh prezıdenti Donald Tramp Kongreste sóılegen sózinde Ýkraına prezıdenti Vladımır Zelenskııden beıbit kelissózder ústeline qaıta oralýǵa daıyn ekenin bildiretin hat alǵanyn aıtty.