Tramp Kýbany «tym kesh bolmaı turyp» AQSh-pen kelisimge kelýge shaqyrdy
ASTANA.KAZINFORM - Kýbaǵa Venesýeladan munaı da, aqsha da jiberilmeıdi. Sondyqtan Gavana Vashıngtonmen kesh bolmaı turyp kelisim jasasýy kerek, dep málimdedi AQSh prezıdenti. Kýba bıligi buǵan ashýmen jaýap berdi, dep habarlaıdy DW.
Kýba «tym kesh bolmaı turyp», Amerıka Qurama Shtattarymen «kelisim jasaýy» kerek. AQSh prezıdenti Donald Tramp jeksenbi, 11 qańtarda Truth Social áleýmettik jelisindegi akkaýntynda osyndaı málimdeme jasady.
Ol «jyldar boıy Kýba Venesýeladan kóp mólsherde alǵan munaımen, aqshamen ómir súrip kelgenin», 1999 jyldan 2013 jylǵa deıin Ońtústik Amerıka eliniń prezıdenti bolǵan Ýgo Chaves pen 3 qańtarda AQSh arnaıy kúshteri tutqyndaǵan Venesýela kóshbasshysy Nıkolas Madýroǵa aıyrbas retinde «qaýipsizdik qyzmetterin» kórsetkenin málimdedi.
Degenmen Tramptyń jazbasyna sáıkes, endi jaǵdaı ózgeredi.
— Kýbaǵa munaı da, aqsha da aǵylmaıdy — nól. Men olarǵa (Kýba bıligine — red.) tym kesh bolmaı turyp kelisimge kelýdi qatań usynamyn (AQSh-pen — red.), - dep qorqytty Aq úı basshysy.
Kýbanyń Tramptyń málimdemesine reaktsııasy
Kýba bıligi Donald Tramptyń málimdemelerine narazylyq bildirdi.
— Kýba eshbir elge kórsetilgen qaýipsizdik qyzmetteri úshin aqshalaı nemese materıaldyq ótemaqy almaıdy jáne eshqashan alǵan emes, - dep atap ótti Kýbanyń Cyrtqy ister mınıstri Brýno Rodrıges sol cátte, 11 qańtarda óziniń X mıkroblogynda.
— Amerıka Qurama Shtattarynan aıyrmashylyǵy, bizde jaldamaly áreketpen, bopsalaýmen nemese basqa memleketterge áskerı qysymmen aınalysatyn úkimet joq, - dep jalǵasty jazba. — Basqa kez kelgen el sııaqty, Kýba da otyndy eksporttaýǵa daıyn jáne Amerıka Qurama Shtattarynyń aralasýynsyz nemese birjaqty májbúrleý sharalarynsyz kommertsııalyq qarym-qatynastardy damytý quqyǵyn júzege asyratyn naryqtan otyn ımporttaýǵa tolyq quqyly. Amerıka Qurama Shtattary tek Kýbada jáne osy jarty sharda ǵana emes, sonymen qatar búkil álemde beıbitshilik pen qaýipsizdikke qaýip tóndiretin qylmystyq jáne baqylaýsyz gegemon sııaqty áreket etedi, - dedi Kýbanyń Syrtqy ister mınıstri.
AQSh-tyń Venesýeladaǵy áskerı operatsııasy
Nıkolas Madýro men onyń áıeli Sılııa Floresti 3 qańtarda «Absolıýtti sheshim» operatsııasy aıasynda AQSh arnaıy kúshteriniń «Delta» toby tutqyndady. Olar Venesýeladan aldymen Gýantanamo shyǵanaǵyndaǵy AQSh áskerı-teńiz bazasyna, keıinirek Nıý-Iorkke aýystyryldy. Bılikten qýylǵan bıleýshiniń alǵashqy sot otyrysy 5 qańtarda ótti.
AQSh bıligi Madýrony resmı túrde «esirtki terrorızmi», qarý-jaraq saqtaý jáne Venesýelanyń dıplomatııalyq pasporttaryn satý boıynsha aıyptady. Naqtyraq aıtqanda, saıasatker buryn AQSh terrorıstik uıym dep tanyǵan Cartel de los Soles qylmystyq tobyn basqardy jáne áıeli, uly jáne seriktesterimen birge kokaın óndirý men tasymaldaýǵa qatysy bar kolýmbııalyq toptarmen baılanys ornatty dep aıyptalyp otyr.
Madýro bul aıyptaýlardy joqqa shyǵaryp, olardy óz eliniń munaı qorlaryna qol jetkizý úshin jasalǵan jasyryn áreket dep atady.
- Venesýelany endi kóptegen jyl boıy kepilge alǵan qaraqshylar men bopsalaýshylardan qorǵaý qajet emes. Venesýelany endi Amerıka Qurama Shtattary qorǵaıdy, onyń qarýly kúshteri álemdegi eń qýatty jáne biz olardy qorǵaımyz! - dep jazdy amerıkalyq kóshbasshy.
Esterińizge sala keteıik, Venesýelanyń Іshki ister mınıstrligi AQSh operatsııasynan kem degende 100 adamnyń qaza tapqanyn habarlady. Buǵan deıin Kýba Madýronyń 32 qorǵaýshysy qaza tapqanyn eske alý úshin aza tutý kúnin jarııalaǵan bolatyn.
Venesýelada Madýronyń kúzetine jaýapty áskerı qyzmetker otstavkaǵa ketti.
