Tramp kishi Kennedıdi densaýlyq saqtaý departamentiniń basshysy etip taǵaıyndady
ASTANA.KAZINFORM - Tramp «Truth» áleýmettik jelisinde habarlama qaldyrdy, dep jazady DW.
Tramp kishi Kennedıdi densaýlyq saqtaý jáne halyqqa qyzmet kórsetý (HHS) mınıstri etip taǵaıyndady.
- Barlyq amerıkalyqtardyń qaýipsizdigi men densaýlyǵy kez kelgen ákimshiliktiń eń mańyzdy basymdyǵy sanalady jáne HHS ár adamnyń zııandy hımııalyq, lastaýshy zattardan, pestıtsıdterden, farmatsevtıkalyq preparattardan jáne taǵamdyq qospalardan qorǵalýyn qamtamasyz etýde úlken ról atqarady, - dedi ol.
Buǵan deıin habarlaǵanymyzdaı, AQSh-tyń jańadan saılanǵan prezıdenti Donald Tramp Florıda shtatynyń senatory Marko Rýbıony aldaǵy ákimshiliginde Memlekettik departamenttiń basshysy etip taǵaıyndady.
Tramp sonymen birge óziniń bolashaq ákimshiligine alǵashqy taǵaıyndaýlardy jarııalady. Sodan keıin ol Pentagon men TsRÝ-dyń jańa basshylaryn atady jáne Ilon Maskqa úkimettiń tıimdilik departamentin basqarýdy usyndy.
