Tramp Kongress saılaýyna deıin Iranǵa soqqy jasamaıdy
ASTANA. KAZINFORM — AQSh prezıdenti Donald Tramp Tegeranmen kelissózder nátıjeli júrip jatqanyn aıtyp, 3 qarashada ótetin aralyq saılaýǵa deıin Iranǵa áskerı soqqy jasalmaıtynyn málimdedi, dep habarlaıdy Kazinform agenttiginiń Vashıngtondaǵy menshikti tilshisi.
— Biz Iran Islam Respýblıkasymen tıimdi kelissóz júrgizip jatyrmyz, — dep habarlady Donald Tramp Truth Social jelisinde.
Tramp Irannyń ekonomıkalyq jaǵdaıy nasharlap, áskerı áleýeti de álsiregenin málimdedi. Sondaı-aq ol Iranǵa qatysty teńiz qorshaýy tolyq kúshinde qalatynyn atap ótti.
— Biz AQSh-ta 3 qarashada ótetin aralyq saılaýǵa deıin Iranǵa shabýyl jasamaımyz. Irannyń ıadrolyq qarýy bolmaıdy! — dep jazdy AQSh prezıdenti Truth Social áleýmettik jelisindegi paraqshasynda.
Breitbart basylymynyń málimetinshe, Pentagon AQSh Ortalyq qolbasshylyǵyna Iranǵa qarsy aýqymdy áskerı operatsııalardy qaıta bastaýǵa ázirlikti aıaqtaýdy buıyrǵan. Bul habardan bir kún ótken soń Tramp óz málimdemesin jarııalady. Áskerı soqqylar Irannyń energetıkalyq ınfraqurylymy men ıadrolyq nysandaryna baǵyttalýy múmkin.
Buǵan deıin AQSh pen Iran arasyndaǵy teketirestiń órbýi, kelissózderdiń barysy jáne áskerı qaqtyǵystyń qaıta bastalý yqtımaldyǵy týraly jazǵan bolatynbyz.
