Tramp kompanııasynyń bereshegi 650 mıllıon dollar
ASTANA. QazAqparat - New York Times gazetiniń jýrnalısteri redaktsııalyq tekserý barysynda Respýblıkalyq partııa atynan AQSh kandıdattyǵyna úmitker Donald Tramp ıelik etetin kompanııada 650 mıllıon dollardaı bereshek jınalyp qalǵanyn anyqtady, dep habarlady RIA Novostı.
Saılaýaldy naýqany aldynda Tramp ózin mıllıard dollar tabysy bar, eshkimge qaryzy joq bıznesmen retinde kórsetken. Alaıda New York Times AQSh aýmaǵynda onyń kompanııasynyń mıllıondaǵan bereshegi bar ekenin jazdy. Ári soma budan buryn jarııalanǵan qujattarda málimdelgen somadan eki ese asyp túsedi.
Atap aıtqanda, Tramp federaldyq organdar úshin qarjy deklaratsııasyn toltyrdy, soǵan sáıkes onyń kompanııasynyń qaryzy 315 mıllıardqa jýyqty qurady, alaıda deklaratsııa onyń bıznesiniń bóligin ǵana ashty.
Gazet aktıvter men jyljymaıtyn múlik pen bereshekke baılanysty bıznes jobalar jumysy shetel bıznesiniń qatysýyn qosa alǵanda, kúrdeli shemany qamtıtynyn atap ótedi.
Tramp mamyrda jurshylyqqa óziniń 10 mıllıard dollary bar ekenin málimdegen bolatyn.
