Tramp Kolorado Kapıtolııindegi «burmalanǵan» portretine shaǵymdandy

ASTANA. KAZINFORM – Donald Tramp óziniń prezıdenttik portretiniń «ádeıi burmalaǵanyn» málimdep, ony dereý alyp tastaýdy talap etti.

- Eshkim óziniń jaman sýretterin unatpaıdy, biraq Kolorado shtatynda, shtat Kapıtolııinde gýbernatordyń basqa barlyq prezıdenttermen birge ilingen sýretter tipti men buryn-sońdy kórmegen deńgeıge deıin ádeıi burmalaǵan, - dep jazdy prezıdent Donald Tramp Truth Social-da. 

Tramp óz jazbasynda sýretshige narazylyǵyn bildirdi. 

- Sýretshi prezıdent Obamanyń da sýretin saldy, ol keremet kórinedi, biraq meniki eń nashar. Ol jasyna qaraı talantyn joǵaltqan bolýy kerek, - dep atap ótti Donald Tramp. 

Tramp kartınany alyp tastaýdy talap etip: «Mende bul sýret bolǵansha, onyń bolmaǵanyn qalaıtyn edim» dep atap ótti.

- Kolorado shtatynan kóptegen adamdar telefon soǵyp, shaǵymdaryn jazdy. Olar is júzinde buǵan qatty ashýlandy! Men olardyń atynan radıkaldy solshyl gýbernator Djared Polıske júginemin, ol qylmyspen kúreste, ásirese Arorany is júzinde basyp alǵan Tren de Aragua qatysty iste óte álsiz. Djared ózi úshin uıalýy kerek!, – dedi prezıdent shtat gýbernatoryn synaı otyryp. 

The Hill basylymynyń túsindirýinshe https://thehill.com/homenews/state-watch/5210127-trump-demands-colorado-take-down-purposefully-distorted-painting/ , prezıdent óz sózinde byltyr Kolorado shtatynyń Arora qalasyndaǵy kópqabatty úıdi basyp alǵan TdA dep atalatyn venesýelalyq Tren de Aragua tobynyń músheleri týraly aıtty. 

Kolorado Respýblıkalyq partııasy 2018 jyly Tramptyń portreti úshin 10 myń dollardan astam qaıyrymdylyq jınady. Portretti salý sýretshi Sara Bordmanǵa tapsyryldy. Ol buryn Kolorado Kapıtolııi úshin prezıdent Barak Obamanyń portretin salǵan. 

- Meniń prezıdent Tramptyń portreti oılastyrylǵan, janjalsyz, ashýly emes, baqytty emes, tvıtter jazbaıtyn dep ataldy, - dep atap ótti Sara Bordman. 

Buǵan deıin «Amerıka daýysy» qyzmetkerleri men kásipodaqtar Tramp ákimshiligin sotqa bergen.