Tramp Qytaıǵa saparyn aıaqtap, Beıjińnen ushyp ketti
ASTANA. KAZINFORM – AQSh prezıdenti Donald Tramp juma kúni tústen keıin Beıjińnen ushyp ketti, 13-15 mamyr aralyǵyndaǵy Qytaıǵa memlekettik saparyn aıaqtady, dep habarlaıdy Kazinform agenttininiń Beıjińdegi tilshisi.
Juma kúni attanar aldynda Donald Tramp Beıjińdegi Chjýnnanhaı saraıynda Sı Tszınpınmen jeke kezdesý ótkizdi, onda ol Qytaı prezıdentimen shynaıy jáne tereń baılanys ornatýdy jalǵastyrýǵa daıyn ekenin málimdedi jáne ony Vashıngtonda qabyldaýdy asyǵa kútetinin bildirdi.
Eki kóshbasshy óz elderi men álemge qatysty negizgi máseleler boıynsha pikir almasyp, birqatar jańa kelisimge keldi, dep habarlady Qytaı Syrtqy ister mınıstrliginiń ókili juma kúni.
Qytaı men AQSh qarym-qatynasynda syndarly strategııalyq turaqtylyqty ornatýdy eki el arasyndaǵy qarym-qatynasqa jańa tásil retinde qarastyrýǵa keliskeni týraly habarlandy.
– Bul aldaǵy úsh jylda jáne odan keıingi ekijaqty qarym-qatynastar úshin strategııalyq baǵdar bolady. Sondaı-aq Qytaı men AQSh qarym-qatynastarynyń turaqty damýyna yqpal etedi jáne álemge beıbitshilik, gúldený jáne progress ákeledi, - dedi ol.
Dıplomat eki kóshbasshynyń halyqaralyq jáne aımaqtyq máseleler boıynsha baılanysty arttyrýǵa keliskenin atap ótti.
– Eki memleket basshysynyń is-áreketi ózara túsinistikti tereńdetýge, senimdi nyǵaıtýǵa, praktıkalyq yntymaqtastyqty damytýǵa, eki el halqynyń ál-aýqatyn arttyrýǵa jáne álemge qajetti turaqtylyq pen senimdilik ákelýge yqpal etti, - delingen málimdemede.
Biz buǵan deıin Donald Tramptyń Sı Tszınpındi qyrkúıek aıynda AQSh-qa shaqyrǵanyn habarlaǵan edik.
