Tramp Qytaıdyń Boeing-pen iri kelisimnen bas tartqanyn málimdedi

ASTANA. KAZINFORM — AQSh prezıdenti Donald Tramptyń Truth áleýmettik jelisindegi málimdemesine sáıkes, Qytaı Boeing kompanııasymen kelisimnen bas tartty.

Donald Tramp «Qytaı sııaqty basty qarsylaspen saýda kelissózderi nemese qazirgideı saýda soǵysy kezinde» amerıkalyq fermerler aldyńǵy shepte qalatynyn jazdy.

— Bir qyzyǵy, olar buryn tolyq bekitilgen ushaqtardy «qabyldamaıtynyn» aıtyp, Boeing-pen jasalǵan iri kelisimnen bas tartty, — dep qosty ol.

Aıta keteıik, AQSh Qytaıǵa baj salyǵyn áýeli 125%-ǵa, odan keıin 145%-ǵa deıin kóterdi. Keıin Qytaı Amerıka taýarlaryna baj salyǵyn 125 paıyzǵa deıin kóterdi.

Donald Tramp AQSh mańyzdy mıneraldardyń ımportyna táýeldiligine baılanysty ulttyq qaýipsizdik táýekelderin tergeýdi bastaý týraly buıryqqa qol qoıǵan.

Osyǵan deıin Tramp elden erikti túrde ketkisi keletin zańsyz mıgranttarǵa qarjylaı kómek pen ushaq bıletin usynǵany belgili boldy.

Sondaı-aq Tramp ákimshiligi klımattyq zertteýlerge bólinetin qarjyny qysqartqany habarlandy.