Tramp Kıeli kitap satýdan 300 myń dollar tabys tapty

ASTANA. KAZINFORM – AQSh-tyń burynǵy prezıdenti jáne aldaǵy saılaýda Respýblıkalyq partııadan úmitker Donald Tramp brendtik Bıblııalardy satýdan 300 myń dollar tabys tapty. Bul týraly The New York Times (NYT) jarııalaǵan sońǵy qarjylyq esebinde belgili boldy, dep habarlaıdy snob.ru. 

Onyń fırmalyq belgisi bar Bıblııanyń quny – 60 dollar, al Tramptyń qoltańbasy bar eksklıýzıvti kóshirmeni 1 myń dollarǵa satyp alýǵa bolady. Ónim sıpattamasynda bul eks-prezıdenttiń ruqsatyn alǵan jalǵyz Kıeli kitap ekeni aıtylǵan.

Sonymen qatar ol «Trampqa hattar» atty jeke jazbalaryn satýdan shamamen 4,5 mln dollar aldy. Tramp sonymen qatar onyń 1 mln dollardan astam krıptovalıýtaǵa ıe ekenin atap ótti.

Esepte ol Truth Social platformasynyń bas kompanııasy Trump Media and Technology Group aktsııalarynyń 65% derlik baqylaıtyny aıtylǵan.

Qujattarda sondaı-aq Tramptyń 50 mln dollardan asatyn qarjylyq mindettemeleri de bar. Olarǵa Nıý-Iork Bas Prokýrorynyń azamattyq alaıaqtyq boıynsha sot isi boıynsha kepilge bólingen qarajat kiredi.